५५० दँ न्ह्यः दयेकुगु स्वंगु पौभा नेपालय् लिहाँ हःगु लसताय् हना ज्याझ्वः जूगु दु । उगु पौभा ४५ दँ न्ह्यः इतुम्बहालं खुया यंकुगु खः । ज्याझ्वलय् मू पाहाँ कथं झाम्ह येँ महानगरपालिका उपमेयर सुनिता डंगोलं नेपाःया सम्पदा लित वःगु तसकं लसताया खँ जूगु न्ह्यथनादिल । वयेकलं लित हःपिंत सुभाय् देछासें लित हये धुंका अझ अप्व ज्या ल्यं दूगु न्ह्यथनादिल । संरक्षण यानातयेत माःगु कथंया व्यवस्था यायेत इतुम्बहाल म्यूजियमयात महानगरं १ करोडया बजेत फ्यानातयागु न्ह्यथनादिल ।

होलि क्वचाल तर हाेलीया नितिं रंग गनं वल सुनां स्यूला ? नेपाः जक अज्याःगु दे जुइ गन निन्हु हाेली न्यायेकी । पहाडी लागाय् बिहिबाः हाेली क्वचालसा तराइ लागाय् शुक्रबाः ।

सरकारी तथ्यांक कथं चालु आर्थिक दँ २०८१/८२ या ७ ला दुने भारत व चीनं जक १५ करोड ८९ लख ६० द्व बराबरया रङ्ग नेपाः दुहाँ वःगु दु ।