मिलेनियम च्यालेन्ज एकाउन्ट नेपाल विकास समिति (एमसीए-नेपाल) अन्तर्गत १८ किलोमिटर प्रसारण लाइन देकेसिधःगु दु । उबलय्या अर्थमन्त्री रामेश्वर खनालं १० माङसिर २०८२ य् थुगु प्रसारण लाइनया शिलान्यास याःगु खः । ४०० केभीया न्हूगु बुटवल सबस्टेशनयात नेपाः-भारत सीमा स्वाकेगु प्रसारण लाइनया थूगु खण्ड देकूगु खः ।

थ्व देकेगु ठेक्का भारतया ट्रान्सरेल लाइटिङ लिमिटेडयात ब्यूगु खः । एमसीए नेपालं भाद्र २०८१ स ठेक्का सम्झौता याःसां १५ ला लिपा जक शिलान्यास जूगु खः । लिबाक्क जग तःसां नं देकेज्या इलय् हे क्वचाल ।

अर्थ मन्त्रालयया सचिव व एमसीए–नेपाल संचालक समितिया नायः घनश्याम उपाध्यायं थुगु उपलब्धिं मत पूर्वाधार व सीमापार ऊर्जा सञ्जाल विस्तार यायेत ग्वाहालि जुइगु धाःगु दु । नेपाल विद्युत प्राधिकरणया कार्यवाहक कार्यकारी निर्देशक दीर्घायु कुमार श्रेष्ठं प्रसारण लाइन क्वचाःगु छगू महत्वपूर्ण उपलब्धि जूगु धयादिल । एमसीए–नेपालया कार्यकारी निर्देशक खड्गबहादुर विष्टं नेपाल सरकारया प्राथमिकता कथं निर्माणयात तीव्रता बियागु जानकारी बियादिल ।

एमसीसी रेसिडेन्ट नेशनल मिसनया निर्देशक डायन फ्रान्सिस्कों प्रसारण लाइन निर्माणय् सकसियां ​​ग्वाहालि याःगुलिं इलय् हे ज्या क्वचाःगु जानकारी बियादिल । वय्कलं नेपाल सरकार, नेपाल विद्युत प्राधिकरण, एमसीए–नेपाल, निर्माण ठेकेदार, परामर्शदाता, स्थानीय सरकार व स्थानीय समुदाययात सुभाय् देछानादीगु दु ।

थ्व आयोजना अन्तर्गत ३१५ किलोमिटर उच्च भोल्टेज प्रसारण लाइन व स्वंगू सबस्टेशन निर्माण जुयाच्वंगु दु । एमसीसी नेपाल कम्प्याक्टय् नेपाल सरकारपाखें १९ करोड ७० लाख अमेरिकी डलर व अमेरिकी सरकारया एमसीसीपाखें ५५ करोड अमेरिकी डलर अनुदान दुथ्याकातःगु दु । मुक्कं ७४ करोड ७० लाख अमेरिकी डलर बराबर तूगु खः ।

एमसीसी नेपाल कम्प्याक्ट कार्यान्वयन यायेत नेपाल सरकारं गठन याःगु निकाय मिलेनियम च्यालेन्ज एकाउन्ट नेपाल विकास समिति (एमसीए–नेपाल) खः ।