काठमाडौं उपत्यकाय् साझा यातायातं शनिवाःनिसें ६ गू रुटय् २८ गः विद्युतीय बस संचालनय् हःगु दु । संविधान दिवसया लसताय् कम्पनीं रात्रीकालीन सेवायात प्यदुगं विस्तार याःगु खः ।
येँ महानगर व साझा यातायातया सहकार्यय् महानगरं १ बैशाख २०८३ निसें रात्रीकालीन सेवा न्ह्याकूगु खः । न्हापांगु स्वला (बैशाख–असर)य् ७ गू विद्युतीय बस छ्यलाः २ गू रुटय् जक सेवा संचालन याःगु खः ।
महानगरया ट्राफिक विज्ञ सल्लाहकार जगतमान श्रेष्ठया संयोजकत्वय् नीस्वंगु समितिं रात्रीकालीन यातायात सेवाया दायरा विस्तार याःगु दु । येँ महानगरपालिका कार्यवाहक प्रमुख सुनिता डंगाेल थः हे बसय् गया न्हूगु बस रूटया उलेज्या याःगु खः । शनिबारनिसें न्हूगु व्यवस्थाकथंया रुट थुकथं दु :

बुढानीलकण्ठ–गोदावरी : ६ गु बस
जगाती–रत्नपार्क–ठमेल : ६ गु बस
चक्रपथ परिक्रमा (दुवैतर्फ) : ८ गु बस
विमानस्थल–नागढुंगा : ४ गु बस
कीर्तिपुर–जमल : ४ गु बस