सरकारं १३ गु देशय् राजदूत नियुक्ति सिफारिस याःगु दु ।

प्रधानमन्त्री बलेन्द्र शाहया नेतृत्वय् शुक्रवाः च्वंगु मन्त्रिपरिषदया बैठकं थीथी ख्यलय् विशेषज्ञता हयादीपिं, अध्ययन अनुसन्धानय् संलग्न व नेतृत्वया भूमिकाय् ज्या यानादीपिंत राजदुत कथं सिफारिस याःगु खः । परराष्ट्रमन्त्री शिशिर खनालं थीथी ख्यःया योग्य व सक्षम मनूतय्त राजदूत सिफारिस यानागु न्ह्यथनादिल ।

मन्त्रिपरिषदया निर्णय कथं भारतया नितिं डा. निश्चलनाथ पाण्डे, चीनया नितिं डा. कल्याणराज शर्मा, अमेरिकाया नितिं चिरंजुङ थापा, बेलायतया नितिं अवकाश प्राप्त पूर्वसेनाध्यक्ष गौरव शम्शेर जंगबहादुर राणा, जापानया नितिं जिज्ञानकुमार थापा, इजरायलया नितिं सुरेशकुमार कर्ण, स्पेनया नितिं प्रतिभा शेरचन, जर्मनीया नितिं शरु जोशी, ओमानया नितिं डा. पद्माक्षी राणा, मलेसियाया नितिं चुडामणि खरेल, दक्षिण कोरियाया नितिं प्रा.डा. मन्त्रिपरिषदं दक्षिण कोरियाया नितिं प्रा.डा.संगम श्रेष्ठ, श्रीलंकाया नितिं डा. मञ्चला झा व साउदी अरबया नितिं गिरीबहादुर सुनारयात राजदूत सिफारिस यायेगु निर्णय याःगु दु ।

सिफारिस जूपिं राजदूतपिन्त संसदीय सुनुवाईया नितिं संघीय संसदय् छ्वइ । संसदीय सुनुवाई प्रक्रिया क्वचायेधुंकाः सरकारं एग्रिमोयात सम्बन्धित देशय् सहमतिया नितिं छ्वयेगु तालिका दु । सम्बन्धित देय्पाखें एग्रीमो कायेधुंकाः राष्ट्रपतिं औपचारिक रुपं नियुक्त यायेगु कानूनी व्यवस्था दु ।