थाैं पशुपति नापं देया थीथी शिवालयस म्वः म्वः मिस्त पुजा पाठ नापं हरितालिका तीज न्यायेकाच्वंगु दु । म्हिगः चान्हय् तक दर नयाः थाैं न्हिछि अप्सं च्वना माःद्यःया पुजा याःसा ब्याः मजुपिनि थः यम्ह भातः दइगु व ब्याः जूपिनि भातया ताःआयु नापं निसन्तानया मचा नं दइगु विश्वास दु । लः तकं मत्वंसें अप्व च्वनेगु नापं थःगु दुखः व पिडा म्ये हाला प्याखँ ल्हुया व्यक्त यायेगु तकं चलन दु ।

छाय् न्यायेकि तीज ?

थ्व सन्दर्भ शिवपुराणय् च्वयातःगु दु । प्राचीन कालय् हिमालयया म्हाय् पार्वतीं भगवान शिवयात थः भाःत प्राप्त यायेत कठोर तपस्या याइ । तर तपस्या सफल मजू । थःगु तपस्यायात गथे यानाः सफल यायेगु धैगु खँ संसारया संरक्षक भगवान विष्णु जक सी धका पार्वतीं दकलय् न्हापां विष्णुया प्रार्थना याइ । अले विष्णुं प्रकत जुया भगवान शिव प्राप्त यायेत उपवास, पूजा व पूजा विधिया बारे विस्तारं कनी । हरिं ब्यूगु जानकारी कथं पार्वतीं कडा व्रत च्वनेधुंकाः भगवान शिवं लसतापूर्वक प्रकट जुयाः थःगु मनोकांक्षा पूवनीगु वरदान बी । हरिं व्रतया तालिका ब्यूगुलिं हरितालिका तीज धकाः थाैंयात धाइ ।