लुम्बिनी प्रदेश लोकसेवा आयोगं प्रशासन, स्वास्थ्य, इन्जिनियरिङ, व वन लागाय् कर्मचारी माःगु विज्ञापन पिथंगु दु । आयोगं शुक्रवाः पिथंगु सुचं कथं प्रशासन, स्वास्थ्य, इन्जिनियरिङ, वन लागाया स्वंगूगु व प्यंगूगु तहया कर्मचारी माःगु धाःगु दु । आयोगं प्रशासन विभागय् सामान्य प्रशासन व लेखाया निंतिं १८ म्ह, स्वास्थ्य सेवाय् २७ म्ह, इन्जिनियरिङय् ४ म्ह, वनया प्यंगूगु तहलय् १० म्ह, वन रक्षकया स्वंगूगु तहलय् ११५ म्ह कर्मचारी फ्वंगु खः ।

निजामती सेवाया पदया निंतिं १८ दँ स्वयां अप्व व ३५ दँ स्वयां म्ह्वँ, मिसाया निंतिं ४० दँ स्वयां म्ह्वँ, स्वास्थ्य सेवाया पदया निंतिं ४५ दँ स्वयां म्ह्वँ उमेर सीमा तयातःगु दु । योग्यता मापदण्ड पूवंपिं इच्छुक नेपाःया नागरिकं फाल्गुन १५ तक व निदुगँ शुल्क पुलाः फाल्गुन २२ तक आवेदन बीफइ ।