थौं हलिंन्यंक थीथी ज्याझ्वः यानाः विश्व रेडियो दिवस हनाच्वंगु दु । संयुक्त राष्ट्र संघया शैक्षिक, वैज्ञानिक व सांस्कृतिक संगठन युनेस्कोया आह्वानय् सन् २०११ य् फेब्रुअरी १३ यात अन्तर्राष्ट्रिय रेडियो दिवस कथं हनेगु प्रस्ताव तःगु खःसां सन् २०१२ य् संयुक्त राष्ट्र संघया महासभां स्वीकृति बिइधुंकाः थुगु दिवस हनेगु सुरु जूगु खः ।

रेडियो जनसञ्चारया छगू शक्तिशाली माध्यम खः । रेडियो दकलय् अप्वः न्यनीगु माध्यम खः । समाजया विविधता व एकता कायम यायेगु, सः मदुपिनिगु सः न्ववायेगु, प्रतिनिधित्व यायेगु, न्यनेगु ज्याय् रेडियोया भूमिका तःधं ।