गैरआवासीय नेपाली संघ (एनआरएनए) स्लोभेनियाया नायः पदय् वीरमान श्रेष्ठयात ल्यःगु दु । ९ सदस्यीय राष्ट्रिय समितिका न्वकु गुनाखर गैरे, मूछ्याञ्जे एकेश मर्हजन, ल्यूछ्याञ्जे श्रीकृष्ण रानाभाट, दाँभरि श्रीकृष्ण बहादुर थापा, ल्यूदाँभरि बद्री ढुंगाना, दुजःपिं गिता बस्नेत, ध्रुव नारायण घिमिरे व कमल बस्नेत च्वंगु दु ।

विदेशय् च्वंपिं नेपामितय्सं सयेकातःगु ज्ञान, सीप, व पूँजीयात नेपाःया समृद्धिया निंतिं उपयोग यायेगु आज्जुं सन् २००३ य् पलिस्था जूगु गैरआवासीय नेवाः संघया संजाल नीन्यागू देशय् विस्तार जूगु दु । बद्री केसी नेतृत्वया गैरआवासीय नेपाली संघया महासचिव गौरीराज जोशीया कथं स्लोभेनिया, मोल्दोभा, व क्रोएसियाय् राष्ट्रिय समन्वय समिति थप जुइवं संघया संजाल न्यासः देशय् थ्यंगु खः । जोशीया कथं थ्वसिबें न्ह्यः गठन जूगु गैरआवासीय नेपाली संघ रोमानिया पुनर्गठन व सक्रिय जूगु दु ।

गैरआवासीय नेपाली संघ युरोपया संयोजक चिरञ्जीवी खड्काले युरोपेली लागाय् प्यंगु राष्ट्रिय समिति थप याना २९ गु देशय् न्हूगु शाखा स्थापना जूगु दु । मोल्दोभाया नायः पदय् गिरीश उप्रेतीयात ल्यःगु दु । न्वकु एकता क्षेत्री, मूछ्याञ्जे द्रोणप्रसाद पौडेल, छ्याञ्जेय् गृष्मा उप्रेती, दाँभरि मुकेश वेलबासे, दुजलय् सूर्यबहादुर खड्का, मानबहादुर परियार, रस्सु शाह, मधुसुदन पौडेल व रामलाल न्यौपाने नियुक्त जूगु दु । अथे हे सल्लाहकारय् दुर्गा उप्रेतीयात मनोनित याःगु दु ।

थ्वसिबें न्ह्यः पलिस्था जूगु गैरआवासीय नेपाली संघ रोमानियायात पुनर्गठन याःगु दु । पुनर्गठन जूगु समितिं नायलय् सुरेन्द्र गौतम, न्वकु कथं माया तामाङ व फुसाङ तामाङ, मूछ्याञ्जे युवराज लामिछाने, छ्याञ्जेय् लक्ष्मण गिरी व लम्का पेन्जिङ लामा, दाँभरी कबीर श्रेष्ठ, ल्यूछ्याञ्जे सुजाता नेसुर व दुजलय् कुमारी जिरेल, आकाश घले, दिपेश कोइराला, नेत्रबहादुर बस्नेत, शंकर भण्डारी व ओविराम के.सी. ल्यःगु दु । अथे हे संघया क्रोएसिया राष्ट्रिय समितिया संयोजक गम्भीरनाथ योगीयात मनोनित याःगु दुसा दुजलय् कमला राई, प्रमिला तामाङ, गंगा राई, जुनुमाया बञ्जुङ, सुकबहादुर तामाङ, बिष्णु बीसी, विष्णुभक्त विक, दीपकबहादुर चन्द व विकासमीन मेरयात मनोनित याःगु दु ।