नेपालय् मिलेनियम च्यालेन्ज कर्पोरेशन (एमसीसी) परियोजना बन्द जूगु दु । थ्वसिबें न्ह्यः अमेरिकी राष्ट्रपति डोनाल्ड ट्रम्पया कार्यकारी उजं कथं नेपालय् अमेरिकी ग्वाहालि परियोजना व ज्याझ्वः नीन्यान्हु निलम्बन जूगु खः ।

अर्थ मन्त्रालययात एमसीसीं वंगु फागुन २ गते इमेलपाखें आयोजना द्यूगु जानकारी ब्यूगु खः । एमसीसीं अमेरिकी सरकारपाखें ५० करोड डलरया योजना दयेकूगु खः । उगु अनुदान नेपाःया विद्युत प्रसारण लाइन दयेकेगु व सतक मर्मत यायेगु ज्याय् खर्च जुइगु न्ह्यथनातःगु खः । एमसीसीपाखें वःगु ५० करोड डलरमध्ये ३९ करोड ८० लाख डलर विद्युत प्रसारण लाइन निर्माणय् खर्च यायेगु योजना दयेकूगु खः ।

थ्व नापं पूर्व–पश्चिम राजमार्गया धनखोला व भालुवाङ जुयाः लमहीनिसें शिवाखोलातकया सतकयात ५ करोड २ लाख डलर तयाः स्तरोन्नति यायेगु योजना नं द्यूगु दु ।