स्वास्थ्य तथा जनसंख्या मन्त्री प्रदीप पौडेलं नेपाल चिकित्सक परिषदय् ५ म्ह दुजः नियुक्त यानादीगु दु । मन्त्री पौडेलं मन्त्रीस्तरीय निर्णय यानाः ५ म्ह दुजः नियुक्त याःगु खः ।

त्रिभुवन विश्वविद्यालय चिकित्सा संस्थां प्रा.डा. पलेस्वां जोशी लाखे व प्रा.डा. आनन्द शर्मा नियुक्त जूगु दु । अथे हे काठमाडौं विश्वविद्यालय चिकित्सा विज्ञान विद्यालयया डिन मनोज हुमागाईयात दुजः नियुक्त याःगु दु । निजी लागापाखें डा. सन्तोष राजभण्डारी व उपभोक्तापाखें रामेश्वर अधिकारीयात दुजः दयेकूगु दु ।

थ्वसिबें न्ह्यः मन्त्रिपरिषदं स्वास्थ्य मन्त्रालयया सिफारिसय् परिषदय् पदाधिकारी व दुजःपिन्त नियुक्त यायेगु याना वयाच्वंगु खः । नेपाल सरकारया कार्यसम्पादन विनियमावलीया ८ क्वःगु संशोधन कथं पूर्णकालीन पदाधिकारी बाहेकया नियुक्ति सम्बन्धित मन्त्रीं यायेगु व्यवस्था कथं मन्त्री पौडेलं चिकित्सा परिषदय् ५ म्ह रिक्त दुजः नियुक्त याःगु दु ।