त्रिभुवन विश्वविद्यालय सेवा आयोगं थीथी निकायया नितिं ७०० स्वयां अप्वः कर्मचारी फ्वंगु दु । आयोगं छगू सुचं पिकासें तःधंगु ल्याखय् आन्तरिक व खुल्ला प्रतिस्पर्धाया पदया निंतिं आवेदन आह्वान याःगु खः । आयोगं शाखा अधिकृतनिसें कार्यालय सहायक तकया पदया नितिं आवेदन खुल्ला याःगु दु ।

आयोगं प्राविधिक व गैरप्राविधिक निगुलिं पदया विज्ञापन चायेकूगु दु । आवेदनया निंतिं अफिसर लेभल ३ या निंतिं २८००, प्रमुख सहायक लेभल १ या निंतिं २०००, सहायक लेभल २ या निंतिं १५००, समावेशी पदया निंतिं थप २० प्रतिशत अनलाइन शुल्क पुलेमाःगु व्यवस्था दु । आयोगं वेबसाइट पाखें चैत्र ११ तक निर्धारित शुल्कय् व चैत्र १८ तक दोब्बर शुल्कय् निवेदन बिइफइगु खँ न्ह्यथंगु दु ।