सरकारं ‘श्री वृद्धावस्था व्यवस्थापन तथा सामाजिक कल्याण गुठी’ (आमा घर)या निर्देशक दिलशोभा श्रेष्ठयात मानव सेवा व समाजसेवा पुरस्कार लःल्हायेगु घोषणा याःगु दु ।

राष्ट्रिय प्रजातन्त्र दिवस २०८१ या लसताय् बुधवाः सैनिकमञ्च तिंख्यलय् ग्वसाः ग्वःगु मू ज्याझ्वलय् प्रधानमन्त्री केपी शर्मा ओलीं शान्ति, सुशासन, नवप्रवर्तन, वैज्ञानिक मालेज्या, अनुसन्धान व विकासया लागाय् ज्वःमदुगु योगदान ब्यूपिं प्रतिभाशाली नागरिकयात प्रधानमन्त्री राष्ट्रिय प्रतिभा पुरस्कार घोषणा याःगु इलय् श्रेष्ठयात मानवसेवा तथा समाजसेवा सिरपा बीगु घोषणा याःगु खः ।