उपप्रधान व सहरी विकासमन्त्री प्रकाशमान सिंहं अधिकार फ्वना जक समाज न्ह्यःने मवनीगु धयादीगु दु । शनिवाः येँय् जूगु छगू ज्याझ्वलय् वय्कलं लोकतन्त्रय् दक्व खँ धायेगु अधिकार दुसां अधिकारया खँ जक ल्हायेगु तर जिम्मेवारी कथं ज्या मयाःसा समाज खःगु थासय् मवनीगु धयादिल ।

सरकारं आःया कमीकमजोरीयात म्हसीकाः सुधार यानाः देय् विकास यायेगु पलाः न्ह्याकाच्वंगु खँ नं वय्कलं कनादिल। वय्कलं देय्या विकासया नापनापं सरकारया स्थायित्वया नितिं एमाले–कांग्रेसया सरकार गठन जूगु धयादिल । जीवनयापनयात सहज यायेमाः धइगु सः सकल नागरिकयाके दुगुलिं सरकारं उकथं हे ज्या यानाच्वंगु वय्कःया दाबी दु ।