नेसं ११४५ चिल्लागा २, बोडे । नेवाः देय् दबू स्वनिगः प्रदेशया अधिवेशन क्वचाःगु दु । म्हिगः जूगु अधिवेशनया वन्द सत्रं नविन थेच्वमि नायः पदय् सर्वसम्मतं त्याःगु दुसा ३३ म्ह जः दूगु कार्य समिति तकं सर्वसम्मतं ल्यःगु दु । अधिवेशनं गणेशराम श्रेष्ठ वरिष्ठ न्वकू, गंगादेवी महर्जन मिसा न्वकू, सुमन श्रेष्ठ न्वकू, शोभा बज्राचार्य महर्जन मू छ्याञ्जे अथेहे मनरा प्रजापति छ्याञ्जे पदय् ल्यःगु दु ।

दुजलय् नानीहेरा महर्जन, धर्म देव महर्जन, सरल गोपाल महर्जन, केशव महर्जन, लगायत सर्वसम्मतिं ल्यःगु दु । उमेश स्थापितया संयोजकत्वय् सत्य नारायण डंगोल व मचाराजा महर्जन दुथ्याःगु निर्वाचन समिति गठन जूगु खः । अधिवेशनं शरण गोपाल डंगोल, प्रदीप डंगोल, जय दुवालयात दबूया राष्ट्रिय परिषद् दुजः ल्यःगु दु ।

अधिवेशनं २० म्ह महाधिवेशन प्रतिनिधि नं ल्यःगु दु । अनुप सिं सुवाल, माधव श्रेष्ठ, मनरत्न शाक्य, अनिल स्थापित, नरेश श्रेष्ठ, श्रीकृष्ण महर्जन, राकेश मान मास्के, नीलकण्ठ महर्जन लिसें सर्वसम्मतं महाधिवेशन प्रतिनिधि ल्यःगु खः । ज्याझ्वःया उद्घाटन सत्र श्रीकृष्ण महर्जनया सभापतित्वय् न्ह्याःगु खः । ज्याझ्वलय् मूपाहाँ पवित्र बज्राचार्यं बागमती प्रदेशया भाषा विधेयक ड्राफ्ट यानादीम्ह प्रा. डा. ओमकारेश्वर श्रेष्ठयात हनादीगु खः ।

ज्याझ्वलय् मा. शैलेन्द्र बज्राचार्य, मा. पुकार महर्जनयात विभागीय मन्त्री जुयाः यानादीगु योगदानया कदर याःगु खः। ज्याझ्वलय् पत्रकार नापं सगरमाथा आराेहनयाना दीम्ह कल्पना महर्जनयात हंगु खः ।

अधिवेशनय् १५० म्ह सिबें प्रतिनिधिं ब्वति काःगु खः ।