कृष्णभीरय् चलः वनाः ग्यास बुलेट येँ थ्यंके मफुगुलिं थीथी जिल्लाया उद्योगपाखें ५३ द्व ४६९ सिलिन्डर एलपी ग्यास जायेका येँ छ्वःगु दु ।

चितवनलिसें थीथी जिल्लाया ग्यास उद्योगपाखें जाःगु सिलिन्डर बुधवाः येँ छ्वःगु खः ।

नेपाल ग्यास उद्योग, नारायणीपाखें थीथी कम्पनीं जाःगु ४ द्व ५४३ सिलिन्डरय् ग्यास जायेकुगु दु । गुकि द्वछि २१३ सिलिन्डर एचपी, द्वछि ६७८ सिलिन्डर नेपाल ग्यास, १४० सिलिन्डर गीता र द्वछि ५१२ सिलिन्डर सागर ग्यास दु ।

अथेहे सागर उद्योगया ५ द्व ६१८ सिलिन्डर नोबेल ग्यास उद्योग धनुषापाखें येँ छ्वःगु नेपाल एलपी ग्यास उद्योग संघं न्ह्यथंगु दु ।

ग्यास वन (एनएल) उद्योग बारां जगदम्बा ग्यास उद्योग बाराया सीताश्री उद्योगं १६०९ सिलिन्डर, मेट्रो एसटीसी व सूर्य उद्योगं २१२१ सिलिन्डर, उग्रचण्डीया ३१८१ सिलिन्डर, सिद्धार्थ व मेट्रो एसटिसी याना १०९२, हिमाल कम्पनीया ६६३ सिलिन्डर, मनोज ग्यास उद्योग पर्सापाखें उग्रचण्डी व मेट्रो एसटीसीया १ द्व ३७ सिलिन्डर, सहारा ग्यास उद्योग मकवानपुरपाखें सगरमाथा व सुगमया ७ द्व ८७७ सिलिन्डर, गेटालोग मकवानपुरपाखें ७ द्व ३४८ सिलिन्डर छ्वःगु दु ।

चितवनया साई बाबा ग्यास उद्योगपाखें श्री कृष्ण व साई बाबा उद्योगया ५ द्व ३३७ सिलिन्डर, चितवनया बाबा ग्यास उद्योगपाखें ८ द्व ७१६ सिलिन्डर श्री ग्यास येँ छ्वःगु दु ।

त्यसैगरी नवलपुरया जानकी ग्यास उद्योगं श्री राम व ओम उद्योगको २६४२ सिलिन्डर, अथेहे नवलपरासीया चण्डेश्वरी ग्यास उद्योगं सागर उद्योगया १६८५ सिलिन्डर येँ छ्वःगु दु ।