इस्वी संवत २०२४ य् एप्पलया आइफोन १५ विश्व बजारय् दकलय् अप्वः बिक्री जूगु स्मार्टफोन जूगु दु । काउन्टरप्वाइन्ट रिसर्चया ग्लोबल ह्यान्डसेट मोडल सेल्स ट्र्याकर रिपोर्ट कथं लगातार स्वक्वःगु दँ विश्वया दकलय् अप्वः बिक्री जूगु स्मार्टफोनया धलखय् एप्पल व सामसुङया प्रभुत्व दु ।

वंगु दँ सामसुङया ल्याखय् सुधार जूगु दुसा शीर्ष १० मध्ये प्यंगू थासय् लाःगु दु । सन् २०२३ य् सामसुङया स्वंगू फोन जक थुगु धलखय् लाःगु खः । काउन्टरप्वाइन्टया छगू रिपोर्ट कथं एप्पलया आइफोन १५ सिरिजया बेस मोडल सन् २०२४ य् विश्वया दकलय् लोकंह्वाःगु फोन जूगु दु । थ्व मोडलया बच्छि फोन अमेरिका व चीनय् जक मीधुंकूगु दु ।

दकलय् अप्वः बिक्री जूगु फोन मध्ये आइफोन १५ प्रो म्याक्स निगूगु थासय् दुसा स्वंगूगु थासय् आइफोन १५ प्रो दु । दकलय् अप्वः बिक्री जूगु स्मार्टफोनय् सामसुङया ग्यालेक्सी ए १५ फाइभजी प्यंगूगु थासय् लाःगु दु । थुगु धलखय् एप्पलया लिपांगु भर्सन आइफोन १६ प्रो म्याक्स न्यागूगु थासय् लाःगु दु । अथे हे ग्यालेक्सी ए १५ फोरजी खुगूगु थासय्, ग्यालेक्सी एस २४ अल्ट्रा ७ गूगु थासय्, आइफोन १४ च्यागूगु थासय् दुसा आइफोन १६ प्रो न्यागूगु थासय् व ग्यालेक्सी ए०५ १० गूगु थासय् दु ।