अमेरिकी राष्ट्रपति डोनाल्ड ट्रम्पं अमेरिकाया अन्तर्राष्ट्रिय विकास एजेन्सी युएसएडया महानिरीक्षक पाल मार्टिनयात बर्खास्त याःगु दु । मंगलवाः ह्वाइट हाउसं मार्टिनयात इमेल छ्वयाः युएसएडया महानिरीक्षकया पदं चीकूगु व उगु निर्णय तत्काल कार्यान्वयन जुइगु जानकारी ब्यूगु खः ।

ट्रम्प प्रशासनं कर्मचारी कटौती याःगु आलोचना यासें सोमवाः छगू प्रतिवेदन सार्वजनिक जूगु खः । सरकारं युएसएड बन्द यायेगु पलाः न्ह्याकूगुलिं शिक्षा, स्वास्थ्य, स्वच्छ त्वनेगु लः, घातक ल्वय् वासः, आर्थिक विकास, भ्रष्टाचार नियन्त्रण, सुशासन थेंज्याःगु गतिविधिइ लिच्वः लाःगु प्रतिवेदनय् न्ह्यथनातःगु दु । ट्रम्प व एलोन मस्कं धाः थें युएसएड आपराधिक संगठन मखु धकाः नं प्रतिवेदनय् न्ह्यथनातःगु दु । प्रतिवेदन सार्वजनिक जूगु कन्हय् कुन्हु हे ट्रम्पं महानिरीक्षकयात बर्खास्त याःगु खः । ट्रम्प प्रशासनं युएसएडया फुक्क कर्मचारीतय्त बिदा ब्यूगु दु ।