शेयर बजार सूचकांक नेप्से २७०० अंकया लिक्क थ्यंगु दु । आइतबाः बजाः १९.५६ अंकं थहा वना नेप्से २६९८ थ्यंगु दु ।

शुक्रबाः ७ अर्ब ९२ करोड कारोवार जूगु खःसा थौं ९ अर्ब ४७ करोड कारोवार जूगु दु । १७६ कम्पनीया मू अप्वःगु दुसा ६३ कम्पनीया मू म्हो जूगु दु । ४ गु कम्पनीया मू धाःसा स्थिर जुयाच्वंगु दु ।

वित्त लागाय् लगानीकर्तातय्गु रुचि अप्वःगु दु । थुकि ४.९४ प्रतिशतं अप्वःगु दु । बैंकिङय् ०.९८ प्रतिशत, विकास बैंक ०.०८ प्रतिशत, होटल व पर्यटन १.९५ प्रतिशत, जलविद्युत ०.३६ प्रतिशत, लगानी १.१७ प्रतिशत, जीवन बीमा ०.३९ प्रतिशत, उत्पादन ०.२० प्रतिशत, सूक्ष्म वित्त १. १ प्रतिशत अप्वलसा गैरजीवन बीमा १.२८ प्रतिशतं म्हो जूगु दु ।