थौं नेपाः नापं हलिंया थीथी देशय् भाषिक चेतना, सांस्कृतिक विविधता, व बहुभाषिकता सम्बन्धी थीथी ज्याझ्वःया ग्वसाः ग्वयाः अन्तर्राष्ट्रिय माँभाय् दिवस हनाच्वंगु दु ।

थ्व हे झ्वलय् येँया केलत्वालय् नेवाः कलाकःमि दबुया ग्वसालय् म्ये ब्वज्या जुयाच्वंगु दु । न्हिनय् २ ता इलय् न्ह्याःगु ज्याझ्वलय् थीथी म्ये हालामिपिंसं नेपालभाषाया म्ये हाला न्यंकुगु खः ।

विविधता व अन्तर्राष्ट्रिय समझदारीइ एकता प्रवर्धन यायेगु थुगु दिवसया मू आज्जु खः । सन् १९९९ या नोभेम्बरय् संयुक्त राष्ट्र संघया शैक्षिक, वैज्ञानिक व सांस्कृतिक संगठन युनेस्कों बंगलादेशं अन्तर्राष्ट्रिय मातृभाषा दिवस हनेगु प्रस्तावयात अनुमोदन याःगु खः । संयुक्त राष्ट्र संघया महासभां सन् २००२स थ्व दिवस घोषणा याःगु खः ।