थौं भाद्रकृष्ण औंसि । थाैंयात कुशे औंसि नं धाः । परम्परा कथं थौंयात बाैया ख्वाः स्वयेगु दिं कथं न्यायेकि ।

थाैंया दिनय्र मस्तय्सं थः अबुयात यःगु मरिचरि व सिसाबुसा नकेगु नापं न्हूगु वसः उपहार बियाः सम्मान क्यनेगु व आशिर्वाद कायेगु याइ ।

अबु मदुपिंसं थौं थीथी पवित्र तीर्थय् चाःहिलाः थः श्राद्ध, तर्पण व दान याइ । येँया धार्मिक तीर्थस्थल गोकर्णेश्वरय् सुथंनिसें भक्तजनपिनिगु तःधंगु भीड जूगु दु ।

स्वनिगः पिने तनहुँया देवघाट, सुनसरीया विष्णुपादुका, बाराहक्षेत्र थेंज्याःगु तीर्थय् वनाः म्वःल्हुयाः पुर्खाया उद्धारया निंतिं प्रार्थना याइ ।