येँय् यसिं दुहांवयेवं इन्द्रजात्रा औपचारिक रुपं सुरु जुइ ।

येँया मू ऐतिहासिक व सांस्कृतिक महोत्सवया चिं यःसिं भोताहिति निसें हनुमानध्वाखा दरबार लागाय् हःगु दु । नेपाल पञ्चंगा निर्णायक विकास समितिं क्वःछ्यूगु साइत कथं थाैं सुथः ८ः०५ ता इलय् बाजं थाना यसिंयात साःगु खः ।

ख्वपया चाँगुनारायण गाउपालिका ९ ताथलीया नाला सामुदायिक वनं हःगु सल्ला सिमायात यःसिं कथं देकि । भाद्र शुक्ल द्वितीया दिं यःसिंया नितिं सिमा पालेमाःगु परम्परा दु । सिमा पाले न्ह्यः खड्ग व सिमायात तान्त्रिक विधिं पुजा यायेगु परम्परा दु ।

यसिंयात इन्द्रया प्रतीक कथं कयातःगु दु ।

नेवाः न्यूज

प्रकाशित: September 19, 2026

मेगु बुखँ