बन्दिपुरया पर्यटन व्यवसायीपिन्सं ‘भिजिट बन्दीपुर इयर २०२५’या प्रचार विदेशय् याःगु दु । टर्कीया इस्तानबुलय् ग्वसाः ग्वःगु ‘प्रदर्शनी व व्यापार प्रदर्शनी’य् बन्दीपुर पर्यटन व्यवसायीपिन्सं बन्दीपुर भ्रमण दँ २०२५ या प्रचार याःगु खः ।

ज्याझ्वलय् पर्यटन व्यवसायीपिं आशुतोष प्रधान व हरि लामिछानें ब्वति कयाः भिजिट बन्दिपुर दँ व बन्दिपुरया पर्यटकीय सम्भावनाया बारे जानकारी बियादीगु खः । प्रधानं बन्दिपुरया इतिहास, संस्कृति, प्राकृतिक सौन्दर्य, व साहसिक पर्यटनयात अन्तर्राष्ट्रिय रुपं प्रवर्धन यानागु धयादिल ।

बन्दीपुरय् थौंकन्हय् दँय् छगू लख पर्यटक वइ । गाउँपालिकाया नायः सुरेन्द्र थापाया कथं उगु ल्याः दोब्बर यायेगु व पर्यटन प्रवर्धन यायेगु आज्जुं भ्रमण वर्ष न्ह्याकूगु न्ह्यथनादिल । गाउँपालिका दुनेया फुक्क वडाय् पर्यटकीय गन्तव्य प्रवर्धन यायेगु वय्कलं न्ह्यथनाल ।

भिजिट नेपाल दँया झ्वलय् बन्दिपुर–छिमकेश्वरी–मनकामना–गोर्खा देगः–लिग्लिगकोट–भानु जन्मभूमि चाःहिलेगु व अनं लिहाँ वनेगु निन्हुया प्याकेज तयार याःगु दु ।