उपप्रधान नापं अर्थमन्त्री विष्णुप्रसाद पौडेल अस्पतालं डिस्चार्ज जूगु दु । वंगु शनिवाः पोखराय् जूगु पोखरा भ्रमण वर्ष उलेज्याया झ्वलय् बेलुन मुया घाःपाः जूम्ह अर्थमन्त्री पौडेलयात सोमवाः अस्पतालं डिस्चार्ज याःगु खः ।

अस्पतालं उगु हे घटनाय् घाःपाः जूम्ह पोखरा महानगरया मेयर धनराज आचार्ययात धाःसा वासः यानाच्वनागु न्ह्यथंगु दु । निम्हेसित शनिवाःनिसें कीर्तिपुर अस्पतालय् वासः याकातःगु खः । मन्त्री पौडेलया घाः लनाच्वंगु व स्वँय् छुं नं प्रतिकूल लिच्वः मलाःगुलिं डिस्चार्ज यायेगु निर्णय याःगु डा. किरण किशोर नकर्मीं धयादीगु दु । मेखे मेयर आचार्ययात धाःसा न्हापा हे उच्च रक्तचाप जुइधुंकूगुलिं कार्डियोलोजिष्टया सल्लाह कयाः छुं दिं वासः यायेत्यंगु दु ।