सुमी मल्लं ‘मिसेज भोग नेपाल–२०२५’ या उपाधि त्याकूगु दु । वंगु बुधवाः बहनी लिबाक्क बौद्धया बौद्ध हेरिटेजय् जूगु धेधेबल्लाखय् मल्लं ‘मिसेज भोग नेपाल–२०२५ ब्राण्ड एम्बेसडर’या उपाधि त्याकूगु खः ।

ग्राण्ड फिनालेया लिपांगु चरण सुमी मल्ल, रुथ सिवाकोटी, सैंजु श्रेष्ठ, प्रिया खड्गी, व स्वेता बज्राचार्य दथुइ धेधेबल्ला जुल । लिच्वः कथं सैंजु श्रेष्ठ फस्ट रनरअप, प्रिया खड्गी सेकेन्ड रनरअप व स्वेता बज्राचार्य थर्ड रनरअप जूगु खः ।

धेधेबल्लाखय् १७ म्ह इहिपा जुइधुंकूपिं मिसातय्सं ब्वति काःगु खः । हाउस अफ फेशनया ग्वसालय् उगु कासा जूगु खः ।