क्लासिक डायमण्डया टाइमलेस प्यारागन ज्वेलरी फेशन शो क्वचाःगु दु । क्लासिक डायमण्ड ज्वेलर्सं ग्वसाः ग्वःगु प्यक्वःगु फेसन व मोडलिङ कासा ‘फेस अफ क्लासिक डायमण्ड’य् पूर्णिका सिन्जापति ताज त्याकूगु खःसा फस्ट रनरअप श्रृष्टि श्रेष्ठ, सेकेण्ड रनरअप उरुसा भण्डारी जुयादीगु खः । त्याःपिन्त नगद सिरपाः व दच्छिया निंतिं ‘क्लासिक डायमण्डया ब्राण्ड एम्बेसेडर’ जुइगु ह्वःताः नं लःल्हाःगु खः ।

थीथी देय्या १५ म्ह स्वयां अप्वः अन्तर्राष्ट्रिय मोडलतय्सं एलिट कलेक्सनया न्हूगु डिजाइनया तिसां तिना फेसन शाे याःगु खः । उगु इलय् मिस युनिभर्स २००० व बलिउड अभिनेत्री लारा दत्तं क्लासिक डायमण्ड्सं दयेकूगु विशेष ताज पुना र्याम्पय् न्यासि वंगु खः ।