नेसं ११४५ चिल्लाथ्व ८, येँ – बसन्तपुरय् सुथः ८ः३३ य् चीर स्वाःगु दु । थ्व नापं रंगया पर्व होली नं न्ह्याःगु दु ।

येँया बसन्तपुरय् च्वंगु फाल्गुनया अष्टमी कुन्हु चीर धस्वाका देय् न्यंकं फागु अर्थात होली पर्व सुरु जुइगु जनविश्वास दु । थौं पशुपति, हनुमानढोका दरबार स्क्वायरया सुन्दरी चोक, यलया पाटन दरबार स्क्वायरय् च्वंगु कृष्ण मन्दिर परिसरय् होली शुरु जूगु चीर स्वायेगु चलन नं दु । थुगुसीया होली नखः फाल्गुन २९ य् लाःगु दु । हिमाली व पहाडी जिल्लाय् फाल्गुन २९ व तराईमधेश जिल्लाय् चैत्र १ गते हाेलीया सार्वजनिक बिदा घोषणा यानातःगु दु ।