रेखा गुप्ता न्हू दिल्लीया मुख्यमन्त्री जुइत्यंगु दु । बुधबाः बहनी च्वंगु दिल्ली भाजपा संसदीय दलया बैठकं गुप्तायात मुख्यमन्त्री दयेकेगु निर्णय याःगु खः । बुधवाः न्हिनय् च्वंगु भाजपाया दिल्ली व्यवस्थापिका संसदीय दलया बैठकं पार्टीया नेता ल्ययेत ओमप्रकाश धनखडयात पर्यवेक्षक नियुक्त याःगु खः ।

भाजपा २७ दँ लिपा हाकनं न्हू दिल्लीइ सत्ताय् लिहां वःगु दु । नवनियुक्त मुख्यमन्त्रीया शपथ ग्रहण बिहिबाः न्हिनय् रामलीला मैदानय् जुइगु अनुमान याःगु दु ।

गुप्ता शालिमार बागपाखें निर्वाचित जूगु खः । वय्कः थ्व स्वयां न्ह्यः दिल्लीया नगर निगमया मेयर नं जुयादीगु खः । वय्कः भाजपा दिल्लीया मूछ्याञ्जे व मिसा मोर्चाया न्वकु नं खः ।