अमेरिकी राष्ट्रपति डोनाल्ड ट्रम्पं भारत व चीन दथुइ सीमा विवाद समाधान यायेमाःसा अमेरिकां भूमिका म्हिते तयार जूगु न्ह्यथनादीगु दु । भारतीय प्रधानमन्त्री नरेन्द्र मोदीलिसे शुक्रबाः ह्वाइट हाउसय् जूगु मंकाः पत्रकार सम्मेलनय् ट्रम्पं भारत व चीन सीमा विवाद समाधान यायेत माःसा भूमिका म्हितेगु धयादिल ।

लिसें वय्कलं चिनियाँ राष्ट्रपति सी जिनपिङलिसे थःगु घनिष्ठ स्वापू दूगु नं धयादीगु दु । ट्रम्पं चीन व भारत निगुलिं देय्लिसे बांलाःगु स्वापू दुगुलिं निगू देय्या विवाद ज्यंकेया नितिं मध्यस्थकर्ताया भूमिका म्हितेत इच्छुक जूगु धयादिल ।