प्रधानमन्त्री केपी शर्मा ओलीं गठबन्धनय् दुथ्याःगु दलतय् दथुइ छुं नं कथंया शंका ब्वलंकेमाःगु आवश्यकता मदुगु धयादीगु दु । प्रतिनिधिसभाया आइतबाः च्वंगु बैठकय् वय्कलं निगू पार्टी दथुइ उच्च स्तरया विश्वास व समझदारी दूगु धयादिल ।

वय्कलं बजेट दयेकेगु व पूँजीगत खर्च अप्वयेकेगु व परियोजना कार्यान्वयनय् सुधार यायेगु निंतिं परियोजना ल्ययेगु व प्राथमिकता बीगु झ्वलय् परियोजना बैंकय् दर्ता जूगु, क्षेत्रगत प्राथमिकताय् दूगु, परियोजनाया निंतिं लगानीया ग्यारेन्टी स्रोत दुगु व परियोजना पूवंकेगु धयादिल । परियोजना कार्यान्वयनयात याकनं यायेगु, ठेक्का व्यवस्थापनय् खनेदूगु समस्या समाधान यायेगु, सार्वजनिक खरिद कानूनय् इलय् हे संशोधन यायेगु, अन्तरस्तरीय व अन्तर निकाय समन्वय कायम यायेगु संयन्त्र सक्रिय यायेगु धयादीगु दु ।