एकीकृत समाजवादी पार्टी लिक्क लाःगु पत्रकारतय् संगठन सोशलिष्ट प्रेस अर्गनाइजेशन नेपालया नायः पदय् सम्भु श्रेष्ठ निर्वाचित जूगु दु । कजि कान्ति न्यौपानें थाैं येँय् जूगु निक्वःगु राष्ट्रिय भेलां श्रेष्ठयात नायः पदय् व मूछ्याञ्जेय् रोहित दाहाल ल्यःगु जानकारी बियादीगु दु । संस्थाया दाँभरि भरतराज पोखरेलयात ल्यःगु दु ।

पुलांम्ह नायः विश्वमणि सुवेदी लिसेंया नेतातय्सं संगठन त्वःतेधुंकाः समाजवादी प्रेस अर्गनाइजेशनं न्हूगु नेतृत्व ल्ययेत थाैं निक्वःगु राष्ट्रिय बैठक सःतूगु खः । श्रेष्ठ एमाले लिक्क लाःपिं पत्रकारतय् संगठन प्रेस चौतारी नेपालया नं संस्थापक खः ।