व्यवसायीलिसें समाजसेवी राजेशकाजी श्रेष्ठया जीवनीइ आधारित सफू ‘व्यक्तिगत योगदान’ शुक्रबाः पितब्यूगु दु । प्रधानमन्त्री केपी शर्मा ओलीं उगु सफूया पितब्वज्या यानादीगु खः । ईश्वरलाल फाउण्डेशनं पिथंगु सफू सार्वजनिक यासें प्रधानमन्त्री ओलीं नेपाल चेम्बर अफ कमर्शया लिसें व्यापारिक क्षेत्रया संस्थागत विकासय् योगदान ब्यूम्ह श्रेष्ठया व्यक्तित्व व ज्या न्हूगु पुस्ताया नितिं प्रेरणादायी जूगु धयादिगु दु । लिसें वय्कलं सुशासनपाखें जक देय्यात समृद्धिपाखे यंकेफइगु व सुशासन छगू गम्भीर हाथ्या जूगुलिं सरकार याकनं कानून दयेकेगु ज्यायात न्ह्यःने यंकेगु प्रक्रियाय् दुगु धयादिल ।