मच्छिन्द्र एफसीया डिफेन्डर सनिश श्रेष्ठ केपी ओली कप फुटबल कासाया उत्कृष्ट कासामि घोषित जूगु दु । १ लख नगद सिरपाः नापं छगः मोटरसाइकल नं त्याःगु खः । अथे हे मच्छिन्द्रया गोलकिपर विशाल श्रेष्ठयात उत्कृष्ट गोलकिपर घोषणा याःगु दु । वयेकयात ५० द्व तका लःल्हाःगु खः । मूपाहाँ इटालियनया गोलकिपर ग्यानलुइगी बुफोनं उत्कृष्ट गोलकिपर सिरपाः लःल्हाःगु खः । त्रिभुवन आर्मीया निराजन धामीयात इमर्जिङ कासामि घोषणा याःगु दुसा कासाया टप स्कोरर मच्छिन्द्रया स्टीफन जामह जले जूगु खः । निम्हसितं ५० द्व दां व छगः मोटरसाइकल सिरपाः लःल्हाःगु खः ।

सोमबाः बहनी जूगु लिपांगु कासाय् त्रिभुवन आर्मी क्लबयात २–० गोलं बुकाः मच्छिन्द्रं लगातार केपी ओली कप त्याकूगु खः । थ्व नापं मच्छिन्द्रं स्वक्वःगुखुसि मदिक्क थूगु कप त्याःगु दु ।