स्वयम्भू महाेत्सव थाैं फागुन १७ गते क्वचायेत्यंगु दु । थीथी ज्याझ्वःया झ्वलय् वंगु बुधबाः चित्रकला धेधेबल्ला क्वचाःगु खः । उगु धेधेबल्लाखय् समुह क व समुह ख याना निगु पुचः दथुइ धेधेबल्ला जूगु खः । कक्षा ३ निसें ५ तक समुह क व कक्षा ६ निसें ८ तक समुह ख कथं विभाजन याःगु खः ।

समुह क या त्याकामि डल्लु आवासिय स्कूलया सरिना महर्जन जुयादिलसा श्री इश्वर आधारभुत स्कूलया अनिषा परिया ल्यू अथेहे दिव्यज्ञान माविया जस्तिन कार्की लियांल्यू जुया ओवा तामांग व युनिश भुजेलयात सान्त्वना सिरपा लाःगु खः ।

अथेहे समुह ख पाखें माेडर्न नेपाल स्कूलया ग्रिन्ता पंडित न्हाप लानादिलसा युराे स्कूलया अश्रेया शाक्य ल्यू अथेहे डल्लु आवासियया स्वनिगः श्रेष्ठ लियांल्यू जुया साैभित महर्जन व सियनिन महर्जन सान्त्वना सिरपा त्याकुगु खः ।

येँ मनपा वडा १५ या ग्वसालय् जूगु ज्याझ्वलय् वरिष्ठ कलाकार अशाेकमान सिंह मूपाहाँ कथं झायादीगु खःसा स्वर्णिम स्कूलया प्रधानाध्यापक सहजी पन्त विशेष पाहाँ कथं झायादीगु खः । मुक्कं ३२ गु स्कूलया ५९ म्ह ब्वनामिपिंसं ब्वति काःगु धेधेबल्ला कासाया निर्णायक वरिष्ठ कलाकार जीवन राजाेपाध्याय खःसा चित्रकला धेधेबल्ला दिवेश प्रधानं संयाेजन यानादीगु खः । १५ वडाया वडाध्यक्ष इश्वरमान डंगाेलया नायःसुइ धेधेबल्लाया त्याकामिपिंत सिरपा लःल्हाःगु खः ।