लिपांगु इलय् देशय् डेंगुया संक्रमण अप्वया वनाच्वंगु दु । मनसुन सुरु जुइवं ७१ गू जिल्लाय् डेंगुया संक्रमण जुइधुंकुगु दु । इपिडिमियोलोजी महाशाखाया कथं बागमती प्रदेश व गण्डकी प्रदेशय् १०८१ म्ह संक्रमित खनेदु ।

जलवायु परिवर्तन व शहरीकणं डेंगुया संक्रमण अप्वःगु व नियन्त्रण अभियान आवश्यक जूगु विज्ञतय्सं धाःगु दु । कोशीइ २३९म्ह, बागमतीइ २९७म्ह, गुण्डकीइ १८२म्ह, लुम्बिनीइ १६३म्ह, सुदुरपश्चिमय् १५६म्ह, कर्णालीइ ३०म्ह व मधेशय् १४म्ह यानाः आःतक १०८१म्ह संक्रमित जूगु खः ।

आःतकया तथ्यांक कथं वंगु दँया स्वयाँ थुगुसि म्हो जक न्यनावंगु दु । असार, श्रावण, भदाै व असोज प्यला डेंगु न्ह्याथाय् व न्ह्याम्हसितं जुइफुगुलिं महाशाखां सचेत याःगु दु ।